Albert Krasniqi e kishte bërë për spital ish-gruan, para privimit nga jeta ai sulmoi babanë që i kërkoi të dorëzohet në Polici.
Albert Krasniqi, biznesmeni që dyshohet se u privua nga jeta pasditen e sotme nga babai i tij Skënderi, ka qenë në kërkim nga Policia në lidhje me një rast të dhunës fizike ndaj Besa Gashit, ish-bashkëshortes së tij.
Deri tek privimi i biznesmenit ka ardhur pas një përplasje që ai ka pasur paraprakisht me babanë e tij, i cili i kishte kërkuar që të dorëzohej në Polici pasi ai kishte ushtruar dhunë ndaj ish-gruas së tij, Besa Gashin.
Ai kishte qenë i kërkuar nga Policia e Kosovës, për veprën penale dhunë fizike, që kishte ushtruar ndaj ish-gruas tashmë të tij, ish-miss Kosovës, Besa Gashi, me të cilën çifti ka dhe një vajzë.
Madje Policia kishte bastisur shtëpinë në kërkim të tij.
Para dy ditësh, u dha lajmi edhe mbi ndarjen e çiftit, të cilët vendosën t’i japin fund martesës së tyre disa vjeçare.
Privimi nga jeta i Krasniqit e ka konfirmuar edhe zëdhënësja e Policisë së Kosovës për rajonin e Prishtinës, Flora Ahmeti.
“Rreth orës 17:00 policia ka marrë informatën per nje privim te ndodhur në rrugën ” Ndue Perlleshi” ne Prishtinë. Menjëherë pas marrjes se informatës policia ka dale ne vendin e ngjarjes dhe po ndërmerr te gjitha veprimet e nevojshme që konsistojnë ne hetimin e rrethanave qe karakterizojnë ngjarjen”, ka thënë Ahmeti.
