Melinda Ademi sërish me dedikim për nënën e ndjerë: Do të të bëj krenare më shumë se kaq.
Gjatë ditës së djeshme (e shtunë) rep-artisja e njohur, Melinda Ademi, humbi personin më të dashur.
Pasi humbi betejën me kancerin e gjirit, nëna e saj ndërroi jetë në moshën 50-vjeçare.
Këtë e ka bërë të ditur vet Melinda në një postim në rrjetin social Instagram, teksa fjalët për të ndjerën pikëlluan një audiencë të tërë.
Sot (e diel) ajo sërish ka ardhur me një dedikim, duke theksuar se do ta bëjë edhe më krenare se sa e ka bërë deri më tani.
“Mami im, të premtoj me të gjithë zemrën time që nuk do të ndalem as edhe një moment, do të bëjë krenare më shumë se kaq. Të dua shumë mami”, shkoi ajo në mbishkrim.
Po ashtu imazhet e publikuara ishin të saj dhe nënës, të realizuara vite më parë, kur ajo ishte vetëm fëmijë.
